92
[:az]
Araşdırmaçı jurnalist, keçmiş “vicdan məhbusu” Xədicə İsmayılovanın bacısı qızı Elmira Rəhimova martın 7-də Bakının Binəqədi Rayon Polis İdarəsinin 4-cü polis bölməsinə çağırılıb. E.Rəhimova orada bir saatadək sorğu-sual edildikdən sonra azad buraxılıb. Bu barədə Turan-a Xədicə İsmayılova bildirib.
Onun sözlərinə görə, polisdə E.Rəhimovadan Binəqədidəki oğurluq hadisələri və ictimai-siyasi fəaliyyəti ilə bağlı soruşublar.
“Bacım qızının polisə çağırılması mitinqqabağı aktiv vətəndaşlara qarşı basqının daha bir nümunəsidir. Elmira özü dərs yüküylə əlaqədar fəal aktivist olmasa da mənim bacım qızı olaraq qalır”, – Xədicə İsmayılova bildirib.
Öz növbəsində rəsmi qurumlar E.Rəhimovanın polisə dəvət ediməsi ilə bağlı hələ şərh verməyiblər.[:]
