İctimai fəal Möhyəddin Orucova 3 il həbs cəzası kəsilib

Fevralın 25-də Bakı Ağır Cinayətlər Məhkəməsində “İşçi Masası” Həmkarlar İttifaqının üzvü Möhyəddin Orucova hökm oxunub. Ona 3 il həbs cəzası kəsilib.

Dövlət ittihamçısı onun 7 il müddətinə azadlıqdan məhrum edilməsini istəmişdi.

Məhkəmə fəalı narkotik ittihamı ilə təqsirli bilsə də, onun üzərindən satışla bağlı ittihamı götürüb. Ona istintaq zamanı verilən ittiham maddəsi Cinayət Məcəlləsinin 234.4.3 maddəsindən 234.1.-1 maddəsinə tövsif edilib.

Hökmdən öncə son sözünü deyən 24 yaşlı ictimai fəal şərlənərək həbs olunduğunu deyib.