Sevinc Vaqifqızı
İyulun 22-dən aclıq aksiyası keçirdiyini açıqlayan “Abzas Media” nəşrinin həbsdə olan baş redaktoru Sevinc Vaqifqızına şəxsi əşyalarının verilmədiyi bildirilir. Bu barədə jurnalistin ailəsi məlumat yayıb.
Ailəsi bildirir ki, iyulun 26-da baş tutan görüş zamanı təcridxana rəhbərliyi onların gətirdiyi geyim və gigiyena vasitələrini qəbul etməyib.
“Yalnız su qəbul etdilər. Sevincin geyinməyə yeni heç nəyi yoxdur”, – ailə üzvləri bildiriblər.
Hələlik, bu məlumata Penitensiar Xidmətdən münasibət almaq mümkün olmayıb.
İyulun 20-də müddətsiz aclıq aksiyasına başladığını bildiriən “Abzas Media”nın həbsdəki direktoru Ülvi Həsənlinin Bakı İstintaq Təcridxanasına geri qaytarılmasını tələb edirlər.
“Abzas Media”nın həbsdəki baş redaktoru Sevinc Vaqifqızı, jurnalistlər Nərgiz Absalamova və Elnarə Qasımova isə iyulun 22-dən onun müdafiəsi ilə bağlı aksiyaya qoşulduqlarını bəyan ediblər.
AzadlıqRadiosu
