[:az]
QHT rəhbəri canlı yayım vasitəsilə barəsində yazılanlara aydınlıq gətirdi
Aprelin 19-da hökumətyönlü “azvision.az” saytı və ona istinadən bir neçə media orqanı Demokratik Təşəbbüslər İnstitutunun rəhbəri Akif Qurbanov haqqında ittiham dolu yazı tirajlayıb.
“Akif Qurbanovun əldə etdiyi mülklər” başlıqlı yazıda QHT rəhbərinin əldə etdiyi qrantlar vasitəsilə özünə mülklər aldığı, ona maliyyə dəstəyi verən beynəlxalq qurumları aldatdığı qeyd olunub. Yazıda Akif Qurbanovdan münasibət öyrənilməyib.
QHT rəhbəri isə haqqında deyilənlərə aydınlıq gətirib. O, “Facebook” hesabında canlı yayıma çıxaraq ittihamların əsassız olduğunu, yazının siyasi sifariş əsasında hazırlandığını bildirib. Akif Qurbanov bildirib ki, yazıda adı keçən mənzili 25 illik ipoteka şərtləri əsasında alıb. İctimai fəal həmçinin ailəsinə məxsus bütün əmlakının sənədlərini və necə əldə edildiyini sənədlərlə sübuta yetirib.
MEYDAN TV[:]
