“Gənc Qazilər” Birliyinin sədri Hacı Vəliyev həbs edilib

“Gənc Qazilər” İctimai Birliyinin sədri Hacı Vəliyev Bakı Şəhər Baş Polis İdarəsinin əməkdaşları tərəfindən həbs edilib.

Hacı Vəliyev barəsində 22 gün müddətinə həbs qətimkan tədbiri seçilib.

O, Cinayət Məcəlləsinin 221.3-cü və 186.1-ci maddələri ilə ittiham olunur.

“Gənc Qazilər” İctimai Birliyi 2021-ci ildə “Qarabağ qaziləri” İctimai Birliyinin nəzdində yaradılıb.

Hacı Vəliyev mediada və sosial mediada şəhid ailələrini, qaziləri, müharibə iştirakçılarının prolemlərini işıqlandırması və aidiyyəti üzrə məmurları tənqid etməsi ilə tanınır.

O, martın 18-də polisin Yasamal rayonu ərazisində küçə ticarəti ilə məşğul olan bir qrup qaziyə qarşı zorakılıq tətbiq etdiyini ictimailəşdirmişdi.