Afiəddin Məmmədov
“İşçi Masası” Həmkarlar İttifaqları Konfederasiyasının sədri Afiəddin Məmmədovun həbsdə təhdid edildiyi bildirilir
Bu barədə iyunun 6-da həmin qurumdan məlumat yayılıb.
Təşkilatın vurğulamasına görə, Afiəddin Məmmədov bu yaxınlarda saxlandığı 2 saylı Cəzaçəkmə Müəssisəsində dözülməz antisanitar şəraitin olmasını ictimailəşdirib:
“Bu açıqlamadan sonra müəssisə rəhbərliyi ona qarşı mənəvi təzyiqlər göstərməyə başlayıb və Afiəddini daha ağır rejimli qapalı cəzaçəkmə müəssisəsinə köçürməklə hədələyib”.
Hələlik, “İşçi Masası”nın bu açıqlamasına 2 saylı Cəzaçəkmə Müəssisəsinin rəhbərliyi və Penitensiar Xidmətdən münasibət almaq mümkün olmayıb. Amma Penitensiar Xidmətin məsul şəxsləri oxşar şikayətlərlə bağlı, bir qayda olaraq, deyirlər ki, cəzaçəkmə müəssisələrində şərait qanunvericiliyin tələblərinə uyğun və beynəlxalq normalara cavab verir.
AzadlıqRadiosu
