Vəkil Fəxrəddin Mehdiyev: ‘Tofiq Yaqublunu vəkil otağına elektromobildə gətirdilər’

Tofiq Yaqublu

Aprelin 16-da vəkil Fəxrəddin Mehdiyev Milli Şuranın və Müsavat Partiyasının həbsdə aclıq aksiyası keçirən üzvü Tofiq Yaqublu ilə görüşüb.

Fəxrəddin Mehdiyev deyir ki, Tofiq Yaqublu vəkil otağına elektromobildə gətirilib:

“Bugünkü yoxlamada müayinənin nəticəsi belədir. Çəkisi 84kq 900q, saturasiya 94, təzyiq 120/80, ürək döyüntüsü 98, temperatur 36.1-dir. Bildirməsinə görə, onda ümumi halsızlıq, taqətsizlik, başgicəllənmə əlamətləri var. Küt mədə ağrılarından şikayət edir. Aprelin 15-də ondan qan analizi götürülüb, hələlik, nəticə bəlli deyil”.

Vəkilin açıqlamasına Penitensiar Xidmətdən münasibət almaq mümkün olmayıb.

AzadlıqRadiosu