5
Yanvarın 18-də İmişli rayonunda yol polisinin törətdiyi və iki məktəblinin ölümü ilə nəticələnən qəzadan sonra şəhərdə gücləndirilmiş rejim hökm sürdüyü bildirilir.
İnzibati binaların, parkların, meydanların ətrafında polisin qarovul çəkdiyi deyilir.
Sosial mediada yayılan məlumata əsasən Daxili Qoşunların girdiyi və yolların bağlandığı bildirilir.
Yerli əhalidən verilən məlumata əsasən İmişlidə internet kəsildiyi bildirilir.
Rayondakı etirazlardan sonra saxlanılanların olduğu haqda Daxili İşlər Nazirliyi məlumat yayıb, amma say açıqlamayıb.
DİN-in yaydığı fotoda saxlanılanların 9 nəfər olduğu görülür.
Toplum TV-nin yaydığı məlumata əsasən yerli mənbənin ehtimalına görə, saxlanılanların sayı 100-dən çoxdur.
Əsasən polis avtomobilinə hücum edən, onu çevirən və polislərlə mübahisə edənlərin saxlanıldığı bildirilir.
Meydan TV
