Məhkəmə Şahnaz Bəylərqızını azad etməyib

Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.

Vəkil bildirib ki, jurnalist səhhətilə əlaqədar prosesdə iştirak etməyib.

Müdafiə tərəfi həbs qətimkan tədbirinin ev dustaqlığı ilə əvəz edilməsi barədə vəsatət qaldırmaq niyyətindədir.

Xatırladq ki, jurnalist fevralın 6-da “Toplum” TV nəşrinin işi üzrə həbs edilib. O da bu nəşrin digər əməkdaşları kimi, xarici valyuta qaçaqmalçılığında ittiham olunur.

Bu günlərdə bir qrup hüquq müdafiəçisi dövlət başçısına müraciət edərək Şahnaz Bəylərqızının azad edilməsini xahiş edib.