“Abzas Media” direktorunun və baş redaktorunun həbs müddətləri uzadılıb

Martın 14-də “Abzas Media”nın direktoru Ülvi Həsənlinin həbs müddəti 3 ay və baş redaktor Sevinc Vaqifqızının (Abbasova) həbs müddəti isə 2 ay 29 gün uzadılıb.

Xətai rayon Məhkəməsində hakim Rəfail Sadıxovun sədrliyilə keçirilən prosesdə istintaq orqanının həbs müddətlərinin uzadılması ilə bağlı təqdimatına baxılıb və təmin edilib.

Bundan əvvəl “Abzas Media işi” üzrə fevralın 24-də jurnalist Nərgiz Absalamovanın, martın 7-də isə Hafiz Babalı və Elnarə Qasımovanın həbs müddəti 3 ay uzadılıb.