Jurnalist Ülviyyə Əli barəsində 1 ay 29 gün müddətinə həbs qətimkan tədbiri seçilib

Ülviyyə Əli

Bu barədə qərarı mayın 7-də Xətai rayon Məhkəməsi çıxarıb.

Ülviyyə Əli “Meydan TV” işi ilə əlaqədar saxlanılıb və o, Cinayət Məcəlləsinin 206.3.2-ci (Qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham olunub.

Mayın 7-ə keçən gecə saxlanılan jurnalistin evində axtarış aparılıb, siyirmələr və şkaf rəflərinin qapaqları sındırılıb.

Vəkili Elvin Ələmovun sözlərinə görə, Ülviyyə Əlinin evindən 6 min avro “aşkarlanıb”. Jurnalist bu pulun ona aid olmadığını və evə axtarışa gələn polislər tərəfindən qoyulduğunu bildirib.

Xatırladaq ki, Ülviyyə Əli əvvəllər “Meydan TV işi”ndə şahid kimi ifadə verib və ölkədən çıxışına qadağa qoyulub.