İmişlidə polis maşınının məktəbliləri vurmasına etiraz edənlər saxlanılıb

İmişlidə yol qəzasına görə etiraz edərək küçələrə çıxanlar polis tərəfindən saxlanılıb.

Daxili İşlər Nazirliyi bildirib ki, İmişli rayonunda ölümlə nəticələnən yol-nəqliyyat hadisəsi ilə əlaqədar bir qrup şəxs hadisə yerində xuliqanlıq hərəkətləri törədib.

“Xidməti avtomobilə əlavə zərər vurmaqla hadisə yerində hüquq pozuntusu törətməyə cəhd göstərən şəxslər müəyyən olunaraq saxlanılıblar”, – DİN vurğulayıb.

Qurumdan bildirilib ki, faktla bağlı cinayət işi başlanılıb, araşdırmalar davam etdirilir.