Apellyasiya Məhkəməsi jurnalist Elnarə Qasımovanın şikayətini təmin etməyib

Elnarə Qasımova

Avqustun 15-də Bakı Apellyasiya Məhkəməsi “Abzas Media” işi üzrə həbs edilmiş jurnalist Elnarə Qasımovanın barəsində həbs müddətinin daha 1 ay 7 gün uzadılması ilə bağlı Xətai Rayon Məhkəməsinin qərarından apellyasiya şikayətini təmin etməyib. Prosesə Cavid Hüseyn sədrlik edib.

Vəkil Günay İsmayılova bildirib ki, məhkəmədə Elnarə Qasımova deyib ki, onun həbsi “Abzas Media” nəşrinin korrupsiya araşdırmaları ilə bağlıdır.

Lakin hakim bunu nəzərə almayıb.

Xatırladaq ki, ilk dəfə Elnarə Qasımova ötən il noyabrın 20-də xarici valyuta qaçaqmalçılığı ittihamı ilə həbs edilib.

Avqustun 10-da hakim Rafael Sadıqovun sədrliyilə Xətai Rayon Məhkəməsi Elnarə Qasımovanın ilkin həbs müddətini daha 1 ay 7 gün uzadıb.

Turan