11
Anar Məmmədli
Mayın 2-də vəkil Cavad Cavadov 1 saylı Bakı İstintaq Təcridxanasında Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli ilə görüşüb.
Bu barədə vəkilin özü məlumat verib.
Vəkil bildirib ki, Məmmədlinin əhval ruhiyyəsi yaxşıdır, hələ karantindədir, yaxın günlərdə kameraya köçürüləcək.
Xatırladaq ki, Anar Məmmədli aprelin 28-də saxlanılıb. Aprelin 29-da Xətai rayon Məhkəməsi onun barəsində 3 ay 28 gün müddətinə həbs qətimkan tədbiri seçib.
Anar Məmmədli Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham olunub.
Məmmədli ona qarşı irəli sürülən ittihamları rədd edir.
