Məhkəmə Anar Məmmədlini həbsdə saxlayıb

Mayın 6-da Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədlinin həbsindən verilmiş apellyasiya şikayətinə baxılıb.

Vəkil Cavad Cavadov bildirib ki, Bakı Apellyasiya Məhkəməsi Anar Məmmədlini həbsdə saxlayıb.

“Xətai Rayon Məhkəməsində çıxarılan 3 ay 28 günlük həbs qətimkan tədbirinin dəyişdirilməsilə bağlı şikayət Bakı Apellyasiya Məhkəməsi tərəfindən təmin edilməyib. Birinci instansiya məhkəməsinin qərarı olduğu kimi saxlanılıb” – vəkil bildirib.

Xatırladaq ki, Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli aprelin 29-da saxlanılıb.

Polis Məmmədlinin yaşadığı evdə və ata evində axtarış həyata keçirib. Ona məxsus sənədlər, kompüter və avadanlıqlar götürülüb.