[:az]Müsavat fəalı Azad Həsənov aclıq aksiyasına başlayıb[:]

[:az]

Foto: Meydan Tv

Bu gün, iyulun 22-də Bakı Ağır Cinayətlər Məhkəməsində Müsavat Partiyasının fəalı Azad Həsənovaqarşı cinayət işi üzrə məhkəmə prosesi davam edib. Məhkəmədə vəkil Osman Kazımovun vəsatəti əsasında Bakı Şəhər Baş Polis İdarəsinə (BŞBPİ) göndərilmiş sorğuya yenə də cavab verilməyib.

Osman Kazımov Azəd Həsənovun həbsdən buraxılması və ona qarşı qaldırılan cinayət işinin xətm olunması barədə vəsatət verib. Vəkil bu vəsatəti Avropa İnsan Haqları Məhkəməsində “Lahıcov Azərbaycana qarşı” işində oxşar ittihamla məhkum edilmiş vətəndaşın bəraət alması ilə əsaslandırıb.

Hakim İradə Həsənovaməhkəmə prosesini 29 iyul saat 11:30-dək təxirə salıb.

Azad Həsənov məhkəmənin süni surətdə uzadılmasına etiraz olaraq, bu gündən etibarən aclıq aksiyasına başladığını elan edib.

Xatırladaq ki, Azad Həsənov 2014-cü ildən Litvada mühacirət həyatı yaşayıb. Ağır xəstə olan atasını görmək məqsədi ilə 2018-ci ilin oktyabrında onun Bakıya gəldiyi açıqlanıb. Müdafiə tərəfinin bildirdiyinə görə, o, oktyabrın 11-də saxlanıb. Ona qarşı Cinayət Məcəlləsinin 234.4-cü (külli miqdarda qanunsuz narkotik vasitələrin dövriyyəsi) maddəsi ilə cinayət işi qaldırılıb.[:]