ŞİKAYƏT QUTUSU ABUNƏ OLUN
BakıBölgəƏdalətli mühakimə hüququHüquq PozuntularıSliderXƏBƏRLƏR

Məhkəmə jurnalist Nərgiz Absalamovanın həbs müddətini uzadıb

tərəfindən Gozetci
Müəllif Gozetci

Nərgiz Absalamova

İyunun 11-də Bakının Xətai Rayon Məhkəməsi istintaqın “Abzas Media-nın işi” üzrə qaçaqmalçılıqda ittiham olunan jurnalist Nərgiz Absalamovanın həbs müddətinin uzadılması haqqında təqdimatını təmin edib.

Məhkəmə onun həbs müddətini 3 ay uzadıb.
Bu barədə Turan-a vəkil Şəhla Hümbətova bildirib.
“İstintaq orqanı əlavə istintaq hərəkətlərinin aparılması zərurəti olduğunu, bu dövrdə Absalamova azadlıqda olsa, onun digər şəxslərlə ünsiyyətdə olaraq istintaqa mane ola biləcəyini bildirib”, deyə vəkil qeyd edib.
Müdafiə tərəfi bu iddiaları əsassız hesab edir və apellyasiya vermək niyyətindədir.
0 Şərh
0 FacebookTwitterPinterestTumblrVKWhatsappE-poçt
BakıBölgəƏdalətli mühakimə hüququHüquq PozuntularıSliderXƏBƏRLƏR

Hafiz Babalının həbs müddəti 1 ay, Elnarə Qasımovanın isə 2 ay uzadılıb

tərəfindən Gozetci
Müəllif Gozetci

Hafiz Babalı və Elnarə Qasımova

“Abzas Media işi” üzrə həbs edilmiş jurnalistlər Hafiz Babalı və Elnarə Qasımovanın istintaq dövrü üçün həbs müddəti yenə uzadılıb.

Xətai Rayon Məhkəməsində keçirilən prosesdə hakim Fuad Axundov istintaq orqanının həbs müddətlərinin uzadılması ilə bağlı təqdimatlarını təmin edib. Elnarə Qasımovanın həbs müddəti 2 ay, Hafiz Babalının isə 1 ay uzadılıb.
Bununla bərabər, istintaq müddəti də sentyabrın 20-nə qədər uzadılıb.
Jurnalistlərin həbs müddəti artıq ikinci dəfə uzadılır. Bu ilin fevralından etibarən bu iş üzrə həbs edilmiş digər media nümayəndələrinin də həbs müddətləri uzadılıb.
Son olaraq, mayın 25-də Nərgiz Absalamovanın həbs müddəti 22 gün artırılmaqla ikinci dəfə uzadılıb.
Jurnalistlərin vəkilləri bildiriblər ki, istintaq heç bir əsaslı səbəb göstərmədən bu müddətin uzadılmasını istəyib, məhkəmə də heç bir əsas olmamasına baxmayaraq, müraciəti təmin edib.
AbzasMedia
0 Şərh
0 FacebookTwitterPinterestTumblrVKWhatsappE-poçt
SliderXƏBƏRLƏR

AXCP-nin sədr müavini oğurluqda ittiham olunaraq saxlanılıb

tərəfindən Gozetci
Müəllif Gozetci

Ayaz Məhərrəmli

Azərbaycan Xalq Cəbhəsi Partiyasının sədr müavini Ayaz Məhərrəmli saxlanılıb

Partiyadan Turan-a verilən məlumata görə, Məhərrəmli ilə 6 iyun axşam saatlarından əlaqə saxlamaq mümkün olmayıb. Bu gün isə məlum olub ki, onu saxlayıblar.
“Onu oğurluqda ittiham edirlər. Bu, mümkün deyil. O, taksi sürücüsü işləyirdi, ola bilsin ki, Bakıdan Şirvana nə isə aparmaq sifarişi alıb və bunu oğurluq kimi qələmə vermək istəyirlər. Hakimiyyətin narkotik və xuliqanlıq ittihamları tükənib, indi buna əl atıblar”, deyə AXCP-nin mətbuat xidmətindən bildiriblər.
Daxili İşlər Nazirliyinin Mətbuat Xidmətindən isə Turan-ın sorğusuna cavab olaraq bildirilib ki, iyunun 6-da saat 23 radələrində DİN-in “102 Zəng Mərkəzi”nə Şirvan şəhərində evlərin birinə oğurluq məqsədilə naməlum şəxsin daxil olması və bunun yaşayış sahəsində mövcud olan kameraya düşməsi ilə bağlı müraciəti daxil olub.
Polis əməkdaşları tərəfindən çağırış üzrə həmin ünvanda olan şəxs saxlanılaraq Şirvan Şəhər Polis Şöbəsinə gətirilib. Araşdırmalarla həmin şəxsin Bakı şəhər sakini, əvvəllər dəfələrlə məhkum olunan, 1982-ci il təvəllüdlü Məhərrəmov Ayaz Həbib oğlu olması müəyyən edilib.
Fakt üzrə araşdırma aparılır.
Qeyd edək ki, Məhərrəmli 15 iyul 2020-ci il tarixində 50 min insanın işğal edilmiş ərazilərin azad olunması tələbi ilə küçələrə çıxdığı Qarabağ aksiyasında iştirak etdiyinə görə həbs edilmişdi. Sonradan bu işin bütün fiqurantları kimi, o da şərti cəza alıb.
0 Şərh
0 FacebookTwitterPinterestTumblrVKWhatsappE-poçt
SliderXƏBƏRLƏR

Metyu Miller: Azərbaycanda vətəndaş cəmiyyəti üzvlərinin həbsinin davam etməsi bizi çox narahat edir

tərəfindən Gozetci
Müəllif Gozetci

Metyu Miller

Azərbaycanda vətəndaş cəmiyyəti üzvlərinin həbsinin davam etməsi bizi çox narahat edir.

Bu barədə ABŞ Dövlət Departamentinin sözçüsü Metyu Miller iyunun 5-də keçirdiyi brifinqdə Turan Agentliyinin sualına cavabında deyib.
Miller xatırladıb ki, öz fundamental azadlıqlarından, o cümlədən ifadə azadlığından istifadə edənlər buna görə həbs olunmamalıdır.
“Biz Azərbaycan hökumətini haqsız yerə həbs edilmiş bütün şəxsləri dərhal azad etməyə və hamının insan hüquqlarına və əsas azadlıqlarına hörmət etməyə çağırırıq”, o əlavə edib.
Yerli hüquq müdafiəçilərinin hesabatlarına görə, hazırda ölkədə ümumilikdə siyasi motivli ittihamlarla üç yüzə yaxın insan həbsdədir.
Azərbaycandakı həbslər çoxsaylı beynəlxalq hüquq müdafiə təşkilatları, həmçinin ABŞ Dövlət Departamenti tərəfindən qınanılıb.
Rəsmi Bakı ölkədə insanların iradəsinə görə təqib edilmədiyini, siyasi məhbusların olmadığını bildirir. Dövlət rəsmiləri bu sahədə tənqidləri qəbul etmir və qərəzli sayır.
Amerikanın Səsi
0 Şərh
0 FacebookTwitterPinterestTumblrVKWhatsappE-poçt
BakıBölgəƏdalətli mühakimə hüququHüquq PozuntularıSliderXƏBƏRLƏR

Apellyasiya məhkəməsi Tofiq Yaqublunun şikayətlərini təmin etmədi

tərəfindən Gozetci
Müəllif Gozetci

Tofiq Yaqublu

İyunun 5-də Bakı Apellyasiya Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun ev dustaqlığı və həbsinin uzadılması ilə bağlı şikayəti təmin edilməyib.

Bu barədə Amerikanın Səsinə Tofiq Yaqublunun qızı Nigar Həzi bildirib.
Onun sözlərinə görə hər iki apellyasiya şikayəti müxtəlif hakimlərin sədrliyi ilə keçirilən prosesdə baxılıb.
“Məhkəmə prosesi Tofiq Yaqublunun hakimi və Əliyev hakimiyyətini sərt tənqid etməsi ilə keçib. Prosesə hakimlər Zaur Hüseynov və Murad Məmmədov sərdlik ediblər”, o deyib.
Nigar Həzi qeyd edib ki, hakimlər birinci instansiya məhkəməsinin qərarını qüvvədə saxlayıb.
İyunun 1-də Nərimanov Rayon Məhkəməsi Tofiq Yaqublu barəsində həbs qətimkan tədbirinin daha 20 gün uzadılması barədə qərar qəbul edib.
Mayın 31-də Bakının Nərimanov Rayon Məhkəməsində Milli Şuranın və Müsavat Partiyasının üzvü Tofiq Yaqublu barəsindəki həbs qətimkan tədbirinin ev dustaqlığı ilə əvəz edilməsi barədə vəsatət isə təmin edilməyib.
0 Şərh
0 FacebookTwitterPinterestTumblrVKWhatsappE-poçt
BakıBölgəƏdalətli mühakimə hüququHüquq PozuntularıSliderXƏBƏRLƏR

Nərgiz Absalamovanın həbsinin ikinci dəfə uzadılmasından verilən apellyasiya şikayəti təmin edilməyib

tərəfindən Gozetci
Müəllif Gozetci

Nərgiz Absalamova

“Abzas Media işi” üzrə həbs olunan jurnalist Nərgiz Absalamovanın həbsinin ikinci dəfə uzadılmasından verilən apellyasiya şikayəti təmin edilməyib.

Abzas Media-ya bu barədə onun vəkili Rövşanə Rəhimli məlumat verib. Vəkil bildirib ki, Bakı Apellyasiya Məhkəməsində keçirilən prosesdə həbsin uzadılması ilə bağlı Xətai rayon Məhkəməsinin 25 may tarixli qərarı qüvvədə saxlanılıb.
Mayın 25-də Absalamovanın istintaq dövrü üçün həbs müddəti daha 22 gün uzadılıb. Bundan əvvəl fevralın 24-də onun həbs müddəti 3 ay artırılmışdı.
Nərgiz Absalamova ötən il noyabrın 30-da “Abzas Media işi” üzrə ikinci dəfə Bakı Şəhər Baş Polis İdarəsinə dindiriləndən sonra saxlanılıb. Ona qarşı Cinayət Məcəlləsinin 206.3.2-ci (qrup halında qaçaqmalçılıq) maddəsi ilə ittiham irəli sürülüb və barəsində 3 aylıq həbs qətimkan tədbiri seçilib. Sonradan bu müddət 2 dəfə uzadılıb.
0 Şərh
0 FacebookTwitterPinterestTumblrVKWhatsappE-poçt
BakıBölgəƏdalətli mühakimə hüququHüquq PozuntularıSliderXƏBƏRLƏR

Məhkəmə Tofiq Yaqublunun həbs müddətini daha 20 gün uzadıb

tərəfindən Gozetci
Müəllif Gozetci

Tofiq Yaqublu

İyunun 1-də Bakının Nərimanov Rayon Məhkəməsi istintaq orqanının Demokratik Qüvvələrin Milli Şurasının və Müsavat Partiyasının üzvü Tofiq Yaqublu barəsində həbs qətimkan tədbirinin daha 20 gün uzadılması haqqında təqdimatını təmin edib.

Bu barədə Turan-a onun vəkili Nemət Kərimli bildirib.
Onun sözlərinə görə, Yaqublunun həbs müddəti iyunun 11-də başa çatacaqdı, indi məhkəmənin qərarı ilə həbs müddəti 1 iyula qədər uzadılıb.
Maraqlıdır ki, Yaqublu barəsində ibtidai istintaq artıq yekunlaşıb.
Həbs müddətinin uzadılması onun işi üzrə məhkəmə təhqiqatının başlamasının gecikdirilməsi deməkdir.
0 Şərh
0 FacebookTwitterPinterestTumblrVKWhatsappE-poçt
BakıBölgəƏdalətli mühakimə hüququHüquq PozuntularıSliderXƏBƏRLƏR

Fərid Mehralızadə barəsində həbs qətimkan tədbiri seçilib

tərəfindən Gozetci
Müəllif Gozetci

Fərid Mehralızadə

İqtisadçı Fərid Mehralızadə Cinayət Məcəlləsinin 206.3.2-ci qaçaqmalçılıq (qabaqcadan əlbir olan bir qrup şəxs tərəfindən törədildikdə) maddəsi ilə ittiham edilib.

Xətai Rayon Məhkəməsinin qərarı ilə barəsində 3 ay 20 gün müddətinə həbs qətimkan tədbiri seçilib.
0 Şərh
0 FacebookTwitterPinterestTumblrVKWhatsappE-poçt
SliderXƏBƏRLƏR

Avropa Parlamentinin rəsmiləri siyasi məhbuslara görə Azərbaycana qarşı sanksiya çağırışı edib

tərəfindən Gozetci
Müəllif Gozetci
Avropa Parlamenti Azərbaycan hökumətinin son aylarda vətəndaş cəmiyyəti fəalları və jurnalistlərə qarşı həyata keçirdiyi geniş repressiya dalğasını qınayan bəyanat yayıb.
İnsan Hüquqları üzrə Alt Komitənin Sədri, deputat Udo Bullmann, Cənubi Qafqaz ölkələri ilə əlaqələr üzrə nümayəndə heyətinin sədri, deputat Marina Kalyurand, Parlamentin Azərbaycan üzrə daimi məruzəçisi, deputat Jelyana Zovkonun imzaladığı birgə bəyanatda iqtisadçı alim Qubad İbadoğlunun ibtidai istintaqının bir ildən artıq müddətə uzadılması və onun saxta ittihamlarla təqibinin davam etdirilməsi tənqid olunub.
“Biz Avropa Parlamentinin Azərbaycan hakimiyyətini professor İbadoğluna qarşı bütün ittihamları dərhal ləğv etmək və təcili tibbi müalicə üçün xaricə getməsinə icazə verməklə bağlı çağırışını təkrar edirik”, – sənəddə deyilib.
Bəyanatda Azərbaycanda hökuməti tənqid edən şəxslərə qarşı davamlı repressiyalar və ədalət mühakiməsinin sistemli şəkildə pozulması da qətiyyətlə pislənilib.
“Tanınmış hüquq müdafiəçisi, Seçkilərin Monitorinqi və Demokratiyanın Tədrisi Mərkəzinin rəhbəri, Avropa Şurasının Vatslav Havel İnsan Haqları Mükafatı laureatı Anar Məmmədlinin aprelin 29-da qondarma qaçaqmalçılıq ittihamı ilə həbs olunması da vətəndaş cəmiyyətinə və bütün fərqli səslərə qarşı amansız təzyiqin daha bir bariz nümunəsidir. Bu, “AbzasMedia”, “Kanal 13” və “Toplum TV” də daxil olmaqla, Azərbaycanda qalan bir neçə müstəqil media orqanının jurnalistlərinin böyük həbs dalğası və saxta ittihamlarla həbs edilməsindən sonra baş verib”, – bəyanatda vurğulanıb.
Birgə bəyanatda hazırda 300-ə yaxın siyasi məhbusun olduğu Azərbaycan dünyanın ən repressiv ölkələrindən biri adlandırılıb.
“Bütün siyasi məhbuslar azad edilməli və bütün siyasi motivli ittihamlar dərhal ləğv edilməlidir. Vəziyyətin pisləşməsi fonunda biz Ali Nümayəndəni və Şuranı Avropa Birliyi Nizamnaməsinin 21-ci maddəsində göstərildiyi kimi Avropa Birliyinin xarici fəaliyyətinin rəhbər prinsiplərinə uyğun hərəkət etməyə və Parlamentin Avropa İttifaqının Qlobal İnsan Hüquqları Sanksiya Rejimi çərçivəsində sanksiyalar tətbiq etməyə çağırırıq. Parlamentin 15 mart 2023-cü il, 14 sentyabr 2023-cü il və 25 aprel 2024-cü il tarixli qərarlarına uyğun olaraq, bu ciddi insan hüquqlarına dair pozuntularında əli olan Azərbaycan məmurlarına qarşı cəza tətbiq edilsin” – bəyanatın sonunda qeyd edilib.
AbzasMedia
0 Şərh
0 FacebookTwitterPinterestTumblrVKWhatsappE-poçt
BakıBölgəƏdalətli mühakimə hüququHüquq PozuntularıSliderXƏBƏRLƏR

Məhkəmə Tofiq Yaqublunu ev dustaqlığına buraxmaqdan imtina edib

tərəfindən Gozetci
Müəllif Gozetci

Tofiq Yaqublu

Mayın 31-də Bakının Nərimanov Rayon Məhkəməsi Demokratik Qüvvələrin Milli Şurasının və Müsavat Partiyasının üzvü Tofiq Yaqublunun ev dustaqlığına buraxılması ilə bağlı müdafiə tərəfinin vəsatətini təmin etməyib.

Bu barədə Turan-a siyasətçinin qızı Nigar Həzi bildirib.
Onun sözlərinə görə, məhkəmənin qərarından apellyasiya şikayəti veriləcək.
“Ata məhkəmədə bildirdi ki, ittiham yalandır və siyasi hakimiyyətin sifarişidir. Dedi ki, onu hakimiyyəti tənqid etdiyinə görə təqib edirlər”, – Nigar Həzi deyib.
* Demokratik Qüvvələrin Milli Şurasının Koordinasiya Mərkəzinin və Müsavat Partiyasının üzvü Tofiq Yaqublu dekabrın 14-də dələduzluq və qanunsuz sənəd hazırlamaqda ittiham olunaraq həbs edilib.
0 Şərh
0 FacebookTwitterPinterestTumblrVKWhatsappE-poçt
Yeni Yazılar
Köhnə Yazılar

Əlaqə

gozetci.az_logo_2
+994 55 340 34 34
gozetci.az@gmail.com
+99455 340 34 34
+99455 340 34 34
Facebook Twitter Youtube Whatsapp

Önə çıxanlar

Abzas Media jurnalistlərinin işi üzrə məhkəmə prosesində
Apellyasiya Məhkəməsi Azər Qasımlını həbsdə saxladı
İmişlidə 17 yaşlı sürücü həbs edilib
Həbsdə olan AXCP fəalının aclığa başladığı bildirilir

© 2023 – Bütün hüquqları qorunur – Gözətçi.az