Məmməd Məmmədzadənin həbs müddəti uzadılıb

Məmməd Məmmədzadə

Bu gün, iyulun 9-da Seçki Müşahidə Alyansının rəhbəri Məmməd Məmmədzadə (Məmməd Alpay) barəsində seçilmiş həbs-qətimkan tədbirinin uzadılması ilə bağlı istintaq orqanının təqdimatına baxılıb.

Binəqədi rayon Məhkəməsində onun barəsində olan həbs-qətimkan tədbiri 3 ay uzadılıb.

Xatırladaq ki, Məmməd Məmmədzadə bu ilin martın 14-də saxlanıb, Cinayət Məcəlləsinin 313-cü (Vəzifə saxtakarlığı), 193-1.3.2-ci (Cinayət yolu ilə əldə edilmiş pul vəsaitlərini və ya digər əmlakı leqallaşdırma, xeyli miqdarda törədildikdə) və 308.2-ci (vəzifə səlahiyyətlərindən sui-istifadə) maddələri ilə ittiham olunub. O, ittihamları qəbul etmir.