37
İmran Əliyevi
Bu gün Bakının Xətai Rayon Məhkəməsi “Meclis.info” saytının təsisçisi İmran Əliyevin həbs müddətinin daha 3 ay uzadıb.
Bu barədə onun yaxınları məlumat veriblər.
İmran Əliyev aprelin 18-də Bakı hava limanında saxlanılıb. O, Abzas Media-nın işi üzrə xarici valyuta qaçaqmalçılığı ittihamı ilə cəlb olunub. Sonradan Əliyevin işi ayrıca icraata ayrılıb.
Əliyev özünü təqsirli bilmir. Yerli və beynəlxalq hüquq müdafiə təşkilatları Əliyevin təqibini pisləyiblər və ona qarşı cinayət işini Azərbaycan parlamentinin və deputatlarının işinin monitorinqini aparan Meclis.info saytının fəaliyyəti ilə əlaqələndiriblər.
