Qubad İbadoğluna övladları ilə təzyiq göstərilir

Həbsdə olan Azərbaycan Demokratiya və Rifah Partiyasının sədri Qubad İbadoğluna qarşı saxlandığı 1 saylı Bakı İstintaq Təcridxanasında psixoloji təzyiq göstərildiyi bildirilir.

Bu barədə Turan-a siyasətçinin qardaşı Qalib Toğrul bildirib.

“Təcridxananın rəisinin Əhəd adlı müavini qardaşımdan xaricdə yaşayan övladlarının telefon nömrələrini tələb edib, əks halda danışığa icazə verməyəcəyini deyib. Rəis müavini daha da irəli gedərək, qardaşımdan övladlarının hansı ölkədə, hansı şəhərdə yaşadıqlarını soruşub. Görünür ki, Əhəd adlı şəxs səlahiyyət həddini aşaraq başqa qurumlar üçün məlumat toplayır”, deyə o qeyd edib.

Penitensiar Xidmətdən Turan-a bildirilib ki, məsələyə münasibət bildiriləcək.