Bərdədə qadın qətlə yetirilib, azyaşlı övladı yaralanıb

Azərbaycanda növbəti qadın qətli Bərdə rayonunda olub. Hadisə iyunun 24-də axşam saat 19 radələrində baş verib.

1988-ci il təvəllüdlü Vəfa Həsənova bıçaqlanaraq qətlə yetirilib. Onun özüylə yanaşı, yetkinlik yaşına çatmamış qızı Ulduz Abbasova da hadisə zamanı xəsarət alıb.

Vəfa Həsənovanı qətlə yetirməkdə, qızını yaralamaqda şübhəli bilinən isə onun qardaşı, 1986-cı il təvəllüdlü Həsən Həsənovdur.

Bərdə Rayon Prokurorluğundan verilən məlumata görə, Həsən Həsənov hadisədən sonra könüllü şəkildə istintaqa təslim olub.

Faktla bağlı Cinayət Məcəlləsinin 120.1 (qəsdən adam öldürmə) maddəsilə cinayət işi başlanıb, istintaq davam edir.

Meydan TV