14
Tofiq Yaqublu
Mayın 6-da 9 il azadlıqdan məhrum edilmiş siyasətçi Tofiq Yaqublu barəsində hökmdən verilmiş apellyasiya şikayətinə baxılıb.
Bakı Apellyasiya məhkəməsində hakim Zamin İbrahimovun sədrliyilə keçirilən prosesdə vəkillər 36 gündür ölüm aclığı edən Yaqublunun ev dustaqlığına buraxılması ilə bağlı vəsatət veriblər.
Vəsatət təmin edilməyib və məhkəmənin baxış iclası mayın 20-nə təyin edilib.
Xatırladaq ki, Tofiq Yaqublu 2023-cü ilin dekabrında həbs olunub. 2024-cü il martın 10-da Bakı Ağır Cinayətlər Məhkəməsində keçirilən prosesdə dələduzluqda və saxta sənəd hazırlamaqda təqsirli bilinərək 9 il azadlıqdan məhrum edilib.
Yaqublu həbsinin qanunsuz olduğunu bildirir və azadlığa buraxılmaq tələbilə ölüm aclığı edir.
