123
Azər Qasımlı
Dekabrın 9-da Yasamal Rayon Məhkəməsində Siyasi Menecment İnstitutunun rəhbəri, politoloq Azər Qasımlı barəsində 4 ay müddətinə həbs qətimkan tədbiri seçilib.
Azər Qasımlı Cinayət Məcəlləsinin 182.2.3-cü (Hədə-qorxu ilə tələb etmə, zor tətbiq etmə ilə törədildikdə) maddəsilə ittiham olunur.
Vəkil Rövşanə Rəhimovanın sözlərinə görə, Azər Qasımlı özünü təqsirli bilmir və həbsini siyasi sifariş adlandırıb.
Xatırlatma
Azər Qasımlı dekabrın 8-də oğlunu futboldan götürməyə gedən zaman saxlanılıb.
Noyabrın 22-də Azər Qasımlı səfərə getmək istəyəndə hava limanından geri qaytarılıb. Ona bildiriblər ki, Bakı Şəhər Baş Polis İdarəsi (BŞBPİ) ölkədən çıxışını qadağan edib. Üç gün sonra o, BŞBPİ-də bir neçə cinayət işi üzrə şahid qismində dindirilib.
