Almaniyalı deputat Anar Məmmədlini azad etməyə çağırıb

Almaniyanın AŞPA-dakı nümayəndə heyətinin rəhbəri Frank Şvabe Azərbaycanda həbs edilmiş Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlini azad etməyə çağırıb.

“Avropa Şurasıının Vatslav Havel mükafatının laureatı Anar Məmmədli yenə Azərbaycanda həbsdədir. O, dərhal azad edilməlidir. Heç bir ölkə Anar Məmmədlinin və bütün digər siyasi məhbusların dərhal azad edilməsini tələb etmədən COP29-a (noyabrda Bakıda keçiriləcək) gedə bilməz”, deyə o, X sosial şəbəkəsində yazıb.

Xatırladaq ki, Məmmədli bu ilin aprelində qaçaqmalçılıq ittihamı ilə həbs edilib. Hüquq müdafiəçiləri onu siyasi məhbus kimi tanıyıblar. Bir çox beynəlxalq təşkilatlar Məmmədlini azad etməyə çağırıblar.

Turan