İctimai fəalın ölkədən çıxışına qoyulan məhdudiyyətlə bağlı şikayəti təmin olunmayıb

Elgiz Qəhrəman

Mayın 7-də Xətai Rayon Məhkəməsində ictimai fəal Elgiz Qəhrəmanın ölkədən çıxışına qoyulan məhdudiyyətlə bağlı verdiyi şikayətə baxılıb. Bu barədə Amerikanın Səsinə fəal özü məlumat verib.

Onun sözlərinə görə, o, aprelin 18-də Heydər Əliyev adına Beynəlxalq Hava Limanında ölkədən çıxışına məhdudiyyət qoyulduğunu öyrənib. Fəala deyilib ki, məhdudiyyət Daxili İşlər Nazirliyi (DİN) tərəfindən qoyulub, ancaq məhdudiyyətin səbəbi ilə bağlı məlumat verilməyib.

“Mayın 3-də Bakı Şəhər Baş Polis İdarəsinə dindirilməyə çağırılan zaman dedilər ki, məhdudiyyət DİN tərəfindən şahid olduğum üçün qoyulub. Lakin məhkəmə şikayətimi təmin etmədi. Qərarla bağlı apellyasiya şikayəti verəcəyik”, deyə, fəal bildirib.

Amerikanın Səsi