Rail Abbasov
Cümə axşamı Nəsimi Rayon Məhkəməsi fəal Rail Abbasovun həbs müddətinin uzadılması barədə istintaqın təqdimatını təmin edib, onun vəkili Zibeydə Sadıqova bildirib.
O, Abbasovun həbsdə saxlanılması üçün hər hansı “maddi və prosessual əsas”ın olmadığını qeyd edib. Müdafiə tərəfi bu qərardan Apellyasiya Məhkəməsinə şikayət verəcək.
Xatırladaq ki, 20 sentyabr 2023-cü ildə Bakının Nəsimi Rayon Məhkəməsi Abbasovu Cinayət Məcəlləsinin 178.3.2-ci maddəsilə (külli miqdarda dələduzluq) ittiham edərək həbs edib.
Abbasov ittihamları rədd edir, 2022-ci ilin dekabrında həbs edilmiş fəal Bəxtiyar Hacıyevin hüquqlarının müdafiəsində aktiv iştirakını həbsin əsl səbəbi hesab edir.
Hüquq müdafiəçiləri onların hər ikisini siyasi məhbus kimi tanıyıblar.
Turan
