“Müdafiə xətti” hüquq- müdafiə təşkilatının təsisçiləri Azərbaycan Ədliyyə Nazirliyinin bu ictimai birliyi qeydiyyata almaqdan imtina etməsilə əlaqədar məhkəməyə müraciət ediblər.
Ədliyyə Nazirliyi imtinanı təşkilatın adında “onun fəaliyyətinin xarakterinin” göstərilməməsi və sənədlərdə bütün təsisçilərin imzaları və anket məlumatlarının olmaması ilə əsaslandırıb.
Avqustun 23-də Bakı İnzibati Məhkəməsində məhkəmə zamanı çıxış edən “Müdafiə xətti”nin vəkili Fariz Namazlı deyib ki, təşkilat insan hüquqlarının müdafiəsilə məşğuldur və bu, qurumun adında göstərilib.
İmzalara və anket məlumatlarına gəlincə, təşkilat öz sədrini seçib və ona qurumu təmsil etmək səlahiyyəti verib.
Lakin məhkəmə şikayəti təmin etməyib.
“Müdafiə xətti” nin icraçı direktoru Rüfət Səfərov bildirib ki, məhkəmənin qərarından apellyasiya şikayəti veriləcək.
Turan
