Elxan Əliyev barəsində 3 aylıq həbs qətimkan tədbiri seçilib

Elxan Əliyev

Bu barədə onun vəkili Nemət Kərimli bildirib.

Nemət Kərimlinin sözlərinə görə, iyulun 27-də Sabunçu Rayon Məhkəməsində istintaq orqanın vəsatətinə baxılıb və AXCP Təşkilat şöbəsinin əməkdaşı Elxan Əliyev  barəsində 3 aylıq həbs qətimkan tədbiri seçilib.

Vəkil qeyd edib ki, partiya üzvü özünü təqsirli bilmir və həbsini siyasi fəaliyyəti ilə əlaqələndirir.

Xatırladaq ki, AXCP üzvü Elxan Əliyev iyulun 26-da polis tərəfindən saxlanılıb. Ona və digər iki nəfərə qarşı Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə), 320.1 (hüquq verən rəsmi sənədi istifadə etmək məqsədi ilə qanunsuz hazırlama) və 320.2-ci (bilə-bilə saxta sənədlərdən istifadə etmə) maddələri ilə cinayət işi başlanılıb.

Turan