71
Ötən gün etiraz aksiyası zamanı saxlanılmış Azərbaycan Xalq Cəbhəsi Partiyasının fəalları bu gün azad ediliblər.
Xatırladaq ki, aksiya iştirakçıları partiyanın fəalı Niyaməddin Əhmədovun azadlığa buraxılmasını tələb ediblər.
Təşkilat üzvləri Fuad Əhmədov, Fərid Nağıbəyli və Rəvan Babayev polis tərəfindən saxlanılıb.
Bu gün Xəzər Rayon Məhkəməsi onların hər birini 70 manat cərimə edib və sərbəst buraxıb.
Aksiya Əhmədovun saxlanıldığı yerdə, Penitensiar Xidmətin Binə qəsəbəsindəki müalicə müəssisəsinin binası qarşısında keçirilib. Aksiya zamanı 14 nəfər, o cümlədən 4 jurnalist saxlanılıb. Polis saxladıqdan sonra belə fəallara güc tətbiq edib.
Saxlanılmış 11 nəfər bir neçə saatdan sonra buraxılıb.
Turan
