[:az]
Dörd nəfər məhkəmə qarşısına çıxarılıb
Abşeron Rayon Məhkəməsi mayın 30-da Milli Şuranın Respublika Günü Novxanıda keçirdiyi bayram tədbirində saxlanılan 8 nəfərdən 4-nün işinə baxıb.
Hakim Şövkət Nəcəfovanın sədrliyi keçirilən prosesdə saxlanılanlar İnzibati Xətalar Məcəlləsinin 513.2-ci maddəsilə ittiham olunublar.
Məlumatı Meydan TV-yə müsavatçı Tofiq Yaqublu verib.
T.Yaqublu bildirib ki, özü də daxil olmaqla Mirzə Aydınlı, Bəxtiyar Hüseynov və Şakir Əhmədovun hər biri 300 manat cərimələnib. Digər dörd nəfərin məhkəməsi mayın 31-də olacaq.
Tofiq Yaqublu məhkəmə qərarından apelyasiya şikayəti verəcəyini söyləyib.
Mayın 28-də Milli Şuranın Novxanı kəndində Məmməd Əmin Rəsulzadənən abidəsi önündə keçirilən yürüşdə polislə insdent yaşanıb. Həmin gün 8 nəfər saxlanılmışdı, bu gün rayon polisinin onlar barədə şikayətinə baxılıb.
MEYDAN TV[:]
