Anar Məmmədlinin apellyasiya şikayəti təmin olunmayıb

Avqustun 28-də Bakı Apellyasiya Məhkəməsi Xətai Rayon Məhkəməsinin Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli barədə seçdiyi həbs qətimkan tədbiri qərarından verilən şikayəti təmin etməyib.

Bu barədə vəkil Cavad Cavadov məlumat verib.

* SMDT rəhbəri Anar Məmmədli aprelin 29-da saxlanılıb. Aprelin 30-da Xətai rayon Məhkəməsi onun barəsində 3 ay 28 gün müddətinə həbs qətimkan tədbiri seçib. Avqustun 22-də isə həbs müddəti daha 3 ay uzadılıb.

Anar Məmmədli Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham olunub. Anar Məmmədli ona qarşı irəli sürülən ittihamları rədd edir.

Çoxsaylı beynəlxalq təşkilatlar, ABŞ Dövlət Departamenti Azərbaycan hökumətini Anar Məmmədlini və həbsdə olan digər jurnalistləri və fəalları dərhal azad etməyə çağırıb.