[:az]
“Təcridxanaya immun çatışmazlığı infeksiyasının 4-cü klinik mərhələsi diaqnozu ilə daxil olub”
Penitensiar Xidmət sentyabrın 29-da vəfat edən məhkum Eşqin Quliyev haqqında məlumat yayıb.
Eşqin Quliyev Gəncə hadisələrinə görə həbs edilmişdi.
Penitensiar Xidmət bildirib ki, Eşqin Quliyev ötən ilin avqustun 9-da Bakı İstintaq Təcridxanasına daxil olub:
“Tibbi müayinədən keçirilən Eşqin Quliyev “İnsanın İmmun Çatışmazlığı infeksiyası (SPİD) 4-cü klinik mərhələ. Viruslu hepatit C, anemiya. Diareya” diaqnozu ilə ixtisaslı müayinə və müalicə məqsədilə Penitensiar Xidmətin Müalicə Müəssisəsinə keçirilib. Müalicəsi yoluxucu xəstəliklər şöbəsində aparılıb. Bu il sentyabrın 27-də “İnsanın İmmun Çatışmazlığı infeksiyası (SPİD) 4-cü klinik mərhələ. Baş-beyin ödəmi. Dərin koma” diaqnozu ilə intensiv terapiya şöbəsinə köçürülüb. Aparılan intensiv müalicə tədbirlərinə baxmayaraq sentyabrın 29-da saat 15.20 radələrində Eşqin Quliyev vəfat edib”.
Sabunçu Rayon Məhkəməsində sentyabrın 19-da bir qrup “Gəncə məhbus”una hökm oxunub. Gəncə Ağır Cinayətlər Məhkəməsinin hakimi Xəqani Səmədovun sədrliyi ilə keçirilən prosesdə keçirilən prosesdə Eşqin Quliyev 20 il azadlıqdan məhrum edilib.
Gəncə hadisələrinə görə 80-ə qədər şəxs həbs olunub. Onların işi bir neçə qrupa bölünərək məhkəməyə göndərilib. Məhkəmə önünə çıxarılanlar arasında Gəncənin keçmiş icra başçısı Elmar Vəliyevə qarşı sui-qəsddə təqsirləndirilən Yunis Səfərov da var.
Meydan TV[:]
