Alınan mallar geri qaytarıla və dəyişdirilə bilərmi?


a-
a
a+
Print Friendly Version of this pagePrint Get a PDF version of this webpagePDF

Xəbərin tarixi: 2017-06-05 21:53:34

İstehlakçıların hüquqlarının müdafiəsi haqqında Azərbaycan Respublikasının qanunu istehlakçıların hüquqlarına təminat verir. İstehlakçının (alıcının) əldə etdiyi lazımı keyfiyyətli mallar öz formasına, ölçüsünə, fasonuna, rənginə görə istehlakçıya yaramırsa, digər səbəblərə görə təyinatı üzrə istifadə oluna bilməzsə, hədiyyə olaraq aldığı adamın xoşuna gəlməzsə, istehlakçının onu alındığı yerdə uyğun mala dəyişdirmək hüququ vardır.  Mal istifadə olunmayıbsa və onun qablaşdırılmasına (əmtəə görünüşü, istehlak xassələri, plombu, yarlığı) ziyan vurulmayıbsa istehlakçı 14 gün ərzində qəbz və kassa çekini təqdim etməklə malın dəyişdirilməsini və qaytarılmasını  tələb edə bilər.

 

İstehlakçı malı dəyişdirkən satışda uyğun mal yoxdursa, istehlakçı dəyəri yenidən hesablamaqla istənilən başqa bir malı almaq və ya qaytarılan malın dəyəri məbləğində pulu geri götürmək, ya da satışa uyğun mal gələn kimi onu dəyişdirmək hüququna malikdir.

 

Nazirlər Kabineti tərəfindən təsdiq olunmuş siyahı vardır ki, hımin siyahıya görə bəzi malların qaytarılması və dəyişdirilməsi qadağandır:

 

 qızıl və qızıl məmulatları;  qiymətli və yarımqiymətli metallardan, daşlardan hazırlanmış məmulatlar; istehsal qüsurları istisna olmaqla bütün növ parçalar və ölçü ilə satılan bəzi mallar (lentlər, tesmalar, haşiyələr) ;  parfümer-kosmetika malları;  kişi, qadın və uşaq çimərlik paltarları;  bağça yaşlı və yeni doğulan uşaqlar üçün alt paltarları;  məişət-kimyası malları; şəxsi gigiyena əşyaları (diş firçaları, daraqlar, biqudilər və s.) ;  uşaq oyuncaqları;  istehsal qüsurları istisna olmaqla istifadədə olmuş, üzərində yarlıklar olmayan kişi, qadın və uşaq corabları, alt paltarları;  ərzaq üçün plastmasdan hazırlanmış məmulatlar;  dəyəri ödənilmiş və mağazadan çıxarılmış (yararlılıq müdəti ərzində) ərzaq malları.

 

Cəza tədbirləri: İstehlakçılar onlara dəymiş mənəvi ziyana görə məhkəməyə müraciət edə və kompensasiya ödənilməsini tələb edə bilərlər. Mağazada qanunla nəzərdə tutulmuş qaydalara uyğun olaraq mal qaytarılmırsa, mağaza sahibinin 1500 manata qədər cərimələnməsi nəzərdə tutulur.

 

Hara müraciət etməli: İstehlakçılar malın dəyişdirilməsi və ya qaytarılması zamanı hər hansı problemlərlə qarşılaşarlarsa, İqtisadi İnkişaf Nazirliyinin 195-2 Telefon Məlumat Mərkəzinə xəbər edə bilərlər.