Apellyasiya Məhkəməsi Müsavat üzvünü həbsdə saxlayıb

Bakı Apellyasiya Məhkəməsi Müsavat Partiyasının fəalı Rövşən Hüseynovu həbsdə saxlayıb. Bu barədə onun vəkili Nemət Kərimli bildirib.

O, oktyabrın 13-də küçədə saxlanılıb və Suraxanı rayon Polis İdarəsinin 30-cu polis bölməsinə aparılıb. Elə həmin gün Suraxanı rayon məhkəməsi onu İnzibati Xətalar Məcəlləsinin 535.1-ci (polisə tabe olmama) maddəsi ilə təqsirli bilərək, 25 gün müddətinə həbs edib.

Müsavat Partiyası Hüseynovun həbsini Müsavat Partiyasının yaradılmasının 110 illiyi ilə əlaqədar oktyabrın 11-də fəalların Novxanıda Məmməd Əmin Rəsulzadənin abidəsinə doğru yürüşü ilə əlaqələndirir.

Polis Müsavat üzvlərinə maneə yaradıb, Hüseynov hüquq mühafizəçilərinin əməllərinə kəskin şəkildə etiraz edib.

Turan